Yahoo məlumat yayıb ki, BlackBerry şirkəti smartfonların istehsalını rəsmən dayandırır. Qeyd edək ki, şirkət ilk smartfonunu 16 il əvvəl təqdim etmişdi. İstehsalçının satışa çıxardığı son modellər Passport və Priv təndiqçilər tərəfindən müsbət qiymətləndirilsələr də, bazarda uğur əldə edə bilmədilər. Buna ən tutarlı səbəb kimi istifadəçilərin fiziki klaviaturaya neqativ yanaşması göstərilir.
Şirkətin bazar payı 2007-ci ildə ilk iPhone-un satışa çıxarılması ilə intensiv şəkildə azalmağa başladı və hal-hazırda 0.3%-ə qədər enib. İstehsalçının təqdim etdiyi smartfonlar Apple və digər modellərlə rəqabətdə uduzdu.
Ancaq Blackberry özü bir şirkət olaraq bağlanmır. Onlar bazarda istiqamətlərini əməliyyat sistemlərinin hazırlanmasına yönəltmək qərarına gəliblər.
