Twitter-ə aid olan Periscope-da yaxın zamanlarda iri yenilənmə gözlənilir. Bu barədə servisin baş direktoru Keyvon Beykpur məlumat yayıb.
Belə ki, bu günə qədər Periscope-da video yayımları yaddaşda maksimum 24 saat saxlamaq mümkün idi. Lakin indi proqramçılar yeni funksiyanı sınaqdan keçirir, hansı ki video yayımı həmişəlik yaddaşda saxlamağa imkan yaradacaq. #save haşteqini yayıma əlavə etməklə Periscope videonu butun “like” və şərhlərlə birgə yaddaşda saxlayacaq. Video yayım yalnız istifadəçinin istəyi ilə silinə biləcək.
Bu yenilənmə ilə birgə video yayımları yaddaşda saxlamaq və paylaşmaq imkanını yaradan Katch servisi öz fəaliyyətini dayandaracaq. Hal-hazırda yeni funksiya sınaq mərhələsindədir və tezliklə Periscope-a əlavə olunacağı bildirilir.
