Dünyanın ən sürətli dronu saatda 113 km sürətlə uçur və 1299 dollar dəyərindədir (video)

18 yaşlı ixtiraçı Corc Meytusun başçısı olduğu Teal Drones startapı yeni məhsulunu təqdim edib. Bu dəfə Teal adlı hal-hazırda dünyanın ən sürətli dronu təqdim edilib. Cihaz istifadə olunan batareyadan asılı olaraq 10-20 dəqiqəlik uçuş vaxtına sahibdir və maksimum sürəti saatda 113 km-dir. 4 GB RAM və 16 GB daxili yaddaşa malik bu cihaz 13 meqapiksellik kamera ilə də təchiz edilib. 4K, Full HD və HD çəkilişi imkanı mövcuddur. Dron NVIDIA TX1 prosessoru ilə təchiz olunub. Aparatın idarə oluna biləcək uçuş radiusu 91 m təşkil edir. Dronun idarə olunması üçün iOS və Android üçün xüsusi tətbiq mövcuddur.