OpenSignal tədqiqatçıları növbəti araşdırma aparıblar. Belə ki, onlar hansı ölkədə ən sürətli mobil internetin olduğunu araşdırmağa çalışıblar. Tədqiqatda həm 4G, həm də 3G şəbəkə təmsil olunub.
Məlumatlar bütün dünya üzrə 822 556 istifadəçidən qəbul edilib və müəyyən olunub ki, dünyada ən sürətli mobil internetə Cənubi Koreya sahibdir — 41 Mbit/s. Növbəti pillələrdə müvafiq olaraq 31 Mbit/s sürətlə Sinqapur və 26 Mbit/s sürətlə Macarıstan qərarlaşıb.
Bütün dünya üzrə istifadəçilərin 60%-i internetdən daha çox Wi-Fi vasitəsilə istifadə edir. 3G/4G(LTE) şəbəkə dairəsinin əhatəsinə görə də Cənubi Koreya liderdir.
