Microsoft şirkəti Windows əməliyyat sistemi ilə çalışan smartfon və planşetlər ilə mobil bazarı ələ keçirməyi bacarmadı. Buna görə də Redmond korporasiyası strategiyasını dəyişməyə qərar verdi və çoxsaylı Android-cihaz istehsalçıları ilə müqavilə bağladı. Müqaviləyə əsasən, həmin cihazlar satışa Microsoft servisləri ilə birgə çıxarılacaqlar. Müqavilə imzalamış istehsalçılar arasında Samsung, Sony, Acer, Cyanogen və Lenovo kimi şirkətlər mövcuddur.
Bundan sonra Lenovo öz Android-cihazlarına Office, OneDrive və Skype kimi servisləri öncədən quraşdıracaq.
